නිර්මාතෘවරු

ක්‍රි.ව.1890 වේ දී පමණ ලුණුගල නගරය අසළ කුඩා කඳු ගැටයක පිහිටි එක් ගමක් වන  සිල්ක් ෆාම් හි පාසල පළමුව ආරම්භ කරන ලදි. එවක ප්‍රථමයෙන් ම විදුහලේ ප්‍රධානාචාර්යවරයා ලෙස කටයුතු කර ඇත්තේ මහනුවර ප්‍රදේශයේ සිට පැමිණි ගොඩමුන්නේ නම් මහත්මයෙකි. පාසල තිබූ මුල් ස්ථානයේ ඉඩකඩ ප්‍රමාණවත් නොවීම හේතුවෙන් පාසල වෙනත් භූමියකට ගෙන යෑමට සිදුවිය. එනම් දැනට විදුහල පවතින ලෝණගිරි පුරාණ රජමහා විහාරය අසළ පිහිටි භුමිය වෙතටයි. එම කාලයේදී පාසල හඳුන්වනු ලැබුවේ ලුණුගල කණිෂ්ඨ විද්‍යාලය යන නමිනි.මේ සඳහා පුරෝගාමීව කටයුතු කළේ එවකට විදුහලේ ප්‍රධානාචාර්යවරයා ලෙස සිටි උඩකිරුව උපන්ගම වූ දීප්තිමත් ආදී ශිෂ්‍යයෙක් වන මුදලිහාමි සේනානායක මහතා ය.